«Хива Универсал савдо комплекси» акциядорлик жамияти акциядорларининг навбатдаги Умумий йиғилиши

9-07-2024, 17:49 «Хива Универсал савдо комплекси» акциядорлик жамияти акциядорларининг навбатдаги Умумий йиғилиши

«Хива Универсал савдо комплекси» акциядорлик жамияти

акциядорларининг навбатдаги Умумий йиғилиши

Б А Ё Н И

«9» июль 2024 йил Хива шаҳар

Хива шаҳар ҳокимининг биринчи ўринбосари кузатув кенгаши раиси Ҳ.Бабаев жамият акциядорларининг навбатдаги умумий йиғилишида қатнашаётган акциядорларни рўйхатга олиш ва кворумини аниқлаш учун саноқ комиссияси аъзолигига қуйидаги номзодларни киритди:

Саноқ комиссиясига сайландилар:

1. Абдуллаев Сапарбой - саноқ комиссияси раиси.

2. Махмудов Улуғбек - саноқ комиссияси аъзоси.

2. Абдалниязова Мухаббат - саноқ комиссияси аъзоси.

Саноқ комиссиясининг раиси С.Абдуллаев такрорий умумий йиғилишда қатнашаётган акциядорларни сони ва йиғилиш кворумини аниқлаш бўйича тузилган баённомани ўқиб эшиттирди.

Саноқ комиссиясининг 1-сонли баённомасига асосан:

Қатнашдилар:

1. Хива шаҳар ҳокимлиги 6438688 овоз 70,2 %

2. Акциядорлар 77122 овоз 1,4 %

Жами: 6515810 овоз 71,6 %

Йиғилишни ўтказиш бўйича йиғилиш раёсатига қуйидаги номзодлар киритилди:

1. Хива шаҳар ҳокимининг биринчи ўринбосари Ҳ.Бабаев

2.”Хива Универсал савдо комплекси”АЖ раиси Д.Давлетов

Йиғилиш раиси: Ҳ.Бабаев

Йиғилиш котибаси: М.Абдалниязова

К У Н Т А Р Т И Б И:

1.Жамият 2023 йилги молия-хўжалик фаолияти якуни бўйича жамият ижроия органи хисоботини тасдиқлаш.

2.Жамиятнинг 2024 йил учун бизнес режасини тасдиқлаш.

3.Кузатув кенгаши хисоботи ва унинг таркибини қайта сайлаш.

4.Тафтиш комиссияси хисоботи ва унинг таркибини қайта сайлаш.

5.2023 йил якуни бўйича аудитор текшируви хулосасини тасдиқлаш.

6.2024 йил учун жамият аудиторини тасдиқлаш.

7.2023 йил якуни бўйича соф фойда ва уни тақсимлаш тартибини тасдиқлаш.

8.Бозор худудидан ташқарида ноқонуний савдо фаолияти билан шуғулланаётган тадбиркорларга бозор ичкарисида енгил типда қурилган савдо ўринларини ажратиб бериш тўғрисида.

9.Фавқулотда ҳолат сабаб, вилоят ва Хива шаҳар хокимларининг топшириғига асосан қурилиши тўгалланмаган ва қабул қилиб олинмаган янги қурилаётган савдо шаҳобчаларига кўчириб ўтирилган, бироқ ижара шартномасини тузмасдан ва ижара тўловни тўламасдан келаётган тадбиркорларни қарздорлигини ундириш тўғрисида.

10.Жамият худудидан дўкон олган тадбиркор ва фуқораларга дўконларни ўзларига мулк қилиб, хужжатларни расмийлаштириб бериш тўғрисида;

11.Жамият худудида қурилаётган дўконларни сотиб олиш бўйича имзоланган шартноманинг 5.2-бандида муддатидан олдин шартномани бекор қилишга тарафларнинг келишувига мувофиқ 2.1-бандида белгиланган талаблар бажарилмаса шартномани сотувчи томонидан бир томонлама бекор қилиш тўғрисида.

Э Ш И Т И Л Д И:

Кун тартибидаги биринчи масала юзасидан жамият раиси Д.Давлетов сўзга чиқиб, жамиятда 2023 йилда қилинган ишлар тўғрисида ҳисобот бериб, ютуқлар қаторида камчиликларга ҳам тўхталиб ўтди. (Хисобот илова килинади).

Йиғилиш раиси акциядорлардан таркатилган бюллетенларга бу масала бўйича ўз муносабатларини билдириб боришни сўради.

Овоз бериш натижалари:

Тарафдор –6515810 та овоз (100 %), Қарши –йўқ, Бетараф—йўқ.

Кун тартибидаги иккинчи масала юзасидан Иқтисод ва назорат бўлим бошлиғи С.Абдуллаев, 2024 йил учун тузилган бизнес режани ўқиб эшиттирди (бизнес режа илова килинади)ва йиғилиш қатнашчилари бир овоздан 2024 йил учун тузилган бизнес режани мақуллашди.

Йиғилиш раиси акциядорлардан тарқатилган бюллетенларга бу масала бўйича ўз муносабатларини билдириб боришни сўради.

Овоз бериш натижалари:

Тарафдор - 6515810 та овоз (100 %), Қарши –йўқ, Бетараф—йўқ

Кун тартибидаги учинчи масала юзасидан жамият кузатув кенгаши раиси Ҳ.Бабаев сўзга чиқиб, жамият фаолиятида кузатув кенгаши томонидан бажарилган ишлар бўйича ҳисоботни ўқиб эшиттирди (Ҳисобот илова килинади).

Шунингдек, кузатув кенгаши аъзолари 5 кишидан иборат бўлиши хақида таклиф берди ва кузатув кенгашига номзодлар рўйхатини ўқиб эшиттирди.

№	Кузатув кенгаши таркибига киритиладиган номзодлар
1	Бабаев Ҳамид Атабаевич–Хива шаҳар ҳокимининг биринчи ўринбосари
2	Садуллаев Мадаминжон Комил ўғли - Хива шаҳар ҳокимлиги бош мутаҳассиси
3	Жумаязов Умрбек Камолбек ўғли - Хива шаҳар хокимлиги мутахассиси
4	Жуманиязов Сардор Шоназарович - Янгиариқ ПТАЖ бош хисобчиси в.в.б
5	Тангриева Зумрад Атобаевна - Акциядор
6	Рахимов Бардибой Машарипович - Акциядор
7	Абдурахманова Наргиза Иброхимовна - Акциядор
8	Джаббарова Максуда Назаровна - Акциядор
9	Сабиров Мухторбек Сапаевич - Акциядор

Акциядорлардан кўлларига тарқатилган бюллетенларга кумуллятив овоз бериш йўли билан мазкур номзодларга овоз беришларини сўраб масалани муҳокамага қўйди.

Бу таклиф бир овоздан маъқулланди.

Овоз бериш натижалари:

Тарафдор - 6515810 та овоз (100 %), Қарши –йўқ, Бетараф—йўқ.

Кун тартибидаги тўртинчи масала юзасидан, жамият тафтиш комиссияси раиси Н.Рўзметова сўзга чиқиб, тафтиш комиссиясининг ҳисоботини ўқиб эшиттирди.

(ҳисобот илова қилинади) ва йиғилиш иштирокчиларига ҳисоботни тасдиқлашни таклиф қилди.

Бундан ташқари, тафтиш комиссияси аъзолигига номзодлар таркибини ўқиб эшиттирди ва уларни сайлашни йиғилиш иштирокчиларига таклиф қилди.

Тафтиш комиссиясига номзодлар қуйидагилар:

№	Тафтиш таркибига киритиладиган номзодлар
1	Рўзметова Назокат Комиловна - «Хоразм бозорлари ва савдо комплекслари» вилоят уюшмаси бош мутахассиси
2	Рахимов Рахимберган - акциядор
3	Палванов Палванназир Бахтиярович - Акциядор
4	Назаров Максуд Бахтиярович - Акциядор
5	Абдуллаева Хуршида Аҳмедовна- Акциядор

Жамият тафтиш комиссияси раиси Н.Рўзметова акциядорлардан қўлларига тарқатилган бюллетенларга овоз бериш йўли билан мазкур номзодларга овоз беришларини сўраб масалани муҳокамага қўйди.

Бу таклиф бир овоздан маъқулланди.

Овоз бериш натижалари:

Тарафдор - 6515810 та овоз (100 %), Қарши –йўқ, Бетараф—йўқ.

Кун тартибидаги бешинчи масаласи юзасидан жамият бош ҳисобчиси У.Махмудов сўзга чиқиб, 2023 йил якунлари бўйича «AUDIT UNION» MCHJ аудиторлик ташкилоти текшируви хулосасини ўқиб эшиттирди.

Ушбу хулоса овозга қўйилиб бир овоздан маъқулланди.

Йиғилиш раиси акциядорлардан тарқатилган бюллетенларга бу масала бўйича ўз муносабатларини билдириб боришни сўради (хулоса илова килинади).

Овоз бериш натижалари:

Тарафдор – 6515810 та овоз (100 %), Қарши –йўқ, Бетараф—йўқ.

Кун тартибидаги олтинчи масала бўйича хам жамият бош ҳисобчиси У.Махмудов ўз сўзини давом эттириб, 2024 йил учун жамиятни аудиторлик текширувидан ўтказиш учун “AUDIT UNION”, “NAZORAT AUDIT”, FINANCE CONSULTING” аудиторлик ташкилотларини таклиф қилди.

Жамият акциядорлари бир овоздан “AUDIT UNION”MCHJ аудиторлик ташкилотини маъқулладилар.

Овоз бериш натижалари:

Тарафдор - 6515810 та овоз (100 %), Қарши –йўқ, Бетараф—йўқ.

Кун тартибидаги еттинчи масала юзасидан жамият бош хисобчиси У.Махмудов ўз сўзини давом эттириб, бозор ташкил қилинган кундан ҳозирги кунгача 326 562 659 сўм зарар мавжуд бўлиб, 2023 йил якуни бўйича 87 082 сўм фойдамиз зарарни қоплаш учун йўналтирилганлиги сабабли акциядорларга двидент

хисобланмаганлигини, 2024 йил ижара шартномасига асосан тушумни ошириб двидент тўлаш чораларини кўриш ҳақида гапириб ўтди.

Бу таклифни йиғилиш қатнашчилари бир овоздан маъқулладилар.

Овоз бериш натижалари:

Тарафдор – 6515810 та овоз (100 %), Қарши –йўқ, Бетараф—йўқ.

Кун тартибидаги саккизичи масала юзасидан кузатув кенгаши раиси Ҳ.Бабаев сўзга чиқиб, Хива шаҳар ҳокимининг 2024 йил 8 май кунги 60-12-217-F/24-сонли Фармойиш ижросини бажариш мақсадида, Сангар маҳалласи Элобод кўчасида вақтинчалик фаолият олиб бораётган юридик ва жисмоний шахсларнинг савдо раста ва дўконлар учун янгидан қурилаётган бозор ҳудудидан қонунда белгиланган тартибда савдо ўринлари ажратиш ва жамоат тартибини сақлаган ҳолда янги бозор ҳудудига кўчириш ишларини ташкил этиш тўғрисида айтиб ўтди.

Овоз бериш натижалари:

Тарафдор – 6515810 та овоз (100 %), Қарши –йўқ, Бетараф—йўқ.

Кун тартибидаги тўққизинчи масала юзасидан кузатув кенгаши раиси Х.Бабаев ўз сўзида давом этиб, бозор ҳудудида қурилиш ишларини тез фурсатда сифатли тарзда якунлаб, тадбиркорларга қулай шароит яратиш ҳамда тадбиркорлар билан қонунда белгиланган тартибда ижара шартномаларини тузиш ва ижара тўловларини ўз вақтида ундирилишига қаттиқ эътибор қилиш ҳақида гапириб ўтди.

Кузатув кенгаши ўз сўзида давом этиб, ижара тўловини асоссиз тўламасдан келаётган тадбиркорлардан, ижара тўловларини қонунда белгиланган тартибда суд орқали мажбурий ундириш ишларини ташкил этиш, шунингдек бозорда тартиб интизом ўрнатиш мақсадида қонунда белгиланган тартибда ижара шартномасини имзоламасдан келаётган тадбиркорлар билан дўконни олиш тўғрисидаги имзоланган шартномаларини бекор қилиш ва дўкондан мажбурий тартибда суд қарори орқали чиқариш ишларини қонунда белгиланган тартибда ташкил этиш ҳақида гапириб ўтди.

Овоз бериш натижалари:

Тарафдор – 6515810 та овоз (100 %), Қарши –йўқ, Бетараф—йўқ.

Кун тартибидаги ўнинчи масала юзасидан жамият раиси Д.Давлетов сўзга чиқиб, бозорда дўкон олган тадбиркорлар томонидан дўконни кадастр хужжатларини уларни номларига тўғирлаб беришни талаб қилаётганликларини, шу сабабли жамият худудидан дўкон олган тадбиркор ва фуқораларга дўконларни ўзларига мулк қилиб, хужжатларни расмийлаштириб бериш тўғрисида гапириб, агар уларга кадастр хужжатларни номларига расмийлаштириб берадиган бўлсак, бозордан бўлган барча тўловларини улардан ундириб олиниши мумкинлиги тўғрисида гапириб ўтди.

Овоз бериш натижалари:

Тарафдор – 6515810 та овоз (100 %), Қарши –йўқ, Бетараф—йўқ.

Кун тартибидаги ўн биринчи масала юзасидан жамият кузатув кенгаши раиси Х.Бабаев сўзга чиқиб, жамият худудида қурилаётган дўконларни сотиб олиш бўйича икки томонлама имзоланган шартноманинг 2.1-банди бўйича сотиб олувчи шартнома имзолангандан кейин олдиндан тўлов қилиш муддати 3(уч) банк иш куни ичида умумий сумманинг 50 % миқдорида қолган суммани 10 (ўн) календар куни ичида тўлаб бериш мажбуриятини олган.

Шунингдек, ушбу шартноманинг 5.2-бандида муддатидан олдин шартномани бекор қилишга тарафларнинг келишувига мувофиқ 2.1-бандида белгиланган талаблар бажарилмаса шартномани сотувчи томонидан бир томонлама бекор қилиниши қайд этиб ўтилганлигини гапириб ўтди.

Шу сабабли, дўкон сотиб олиш бўйича тузилган шартнома шартларини жиддий бузиб, тўловларни тўламасдан келаётган фуқаролар билан шартномани қонунда белгиланган тартибда бекор қилиш кераклигини айтиб ўтди.

Йиғилиш қатнашчилари, кун тартибидаги барча масалаларни атрофлича муҳокама қилиб “Хива Универсал савдо комплекси”акциядорлик жамияти акциядорларининг навбатдаги Умумий йиғилиши

Қ А Р О Р Қ И Л А Д И:

1. Жамиятнинг 2023 йилдаги молия-хўжалик фаолияти якуни юзасидан жамият ижроия органи раҳбарининг ҳисоботи тасдиқлансин.

2. Жамиятнинг 2024 йил учун бизнес-режаси тасдиқлансин.

3. Кузатув кенгашининг хисоботи ва унинг таркиби қуйидагича тасдиқлансин.

№	Кузатув кенгаши таркибига киритиладиган номзодлар
1	Бабаев Ҳамид Атабаевич
2	Жумаязов Умрбек Камолбек ўғли
3	Жуманиязов Сардор Шоназарович
4	Тангриева Зумрад Атобаевна
5	Абдурахманова Наргиза Иброхимовна

4. Жамият тафтиш комиссияси хисоботи ва унинг таркиби қуйидагича тасдиқлансин.

1	Рўзметова Назокат
2	Палванов Палванназир Бахтиярович
3	Абдуллаева Хуршида Аҳмедовна

5. 2023 йил якуни бўйича «AUDIT UNION» MCHJ аудиторлик ташкилоти тешкирув хулосаси тасдиқлансин.

6. 2024 йил учун жамиятни аудиторлик тешкирувидан ўтказиш учун «AUDIT UNION» MCHJ аудиторлик ташкилоти тасдиқлансин.

7. 2022 йил якуни бўйича 87 082 сўм фойда бошлангичдаги зарарни қоплашга йўналтирилганлиги сабабли, 2023 йил ижара шартномасига асосан тушумни ошириб, акциядорларга двидент бериш чораси кўрилсин.

8. Хива шаҳар ҳокимининг 2024 йил 8 май кунги 60-12-217-F/24-сонли Фармойиш ижросини бажариш мақсадида, Сангар маҳалласи Элобод кўчасида вақтинчалик фаолият олиб бораётган юридик ва жисмоний шахсларнинг савдо раста ва дўконлар учун янгидан қурилаётган бозор ҳудудидан қонунда белгиланган тартибда савдо ўринлари ажратиш ва жамоат тартибини сақлаган ҳолда янги бозор ҳудудига кўчириш ишлари ташкил этилсин.

9. Бозор ҳудудида қурилиш ишларини тез фурсатда сифатли тарзда якунлаб, тадбиркорларга қулай шароит яратиш ҳамда тадбиркорлар билан қонунда белгиланган тартибда ижара шартномаларини тузиб, ижара тўловларини ўз вақтида ундирилсин ҳамда ижара тўловини тўлашдан асоссиз тўламасдан келаётган тадбиркорлардан, ижара тўловларини қонунда белгиланган тартибда суд орқали мажбурий ундириш ишлари ташкил этилсин.

10. Бозорда шартнома асосида дўкон олган тадбиркорлар номларига мулк ҳуқуқи асосида кадастр хужжатларини расмийлаштириш ишлари, тегишли кадастр палатаси билан келишган ҳолда ташкил этилсин.

11. Жамият худудида қурилаётган дўконларни сотиб олиш бўйича имзоланган шартноманинг 2.1-бандида белгиланган талаблар тадбиркорлар томонидан бажарилмаса, шартномани бир томонлама бекор қилиш ишлари ташкил этилсин.

Ушбу қарорни бажарилиши “Хива Универсал савдо комплекси” АЖ бошқарув раиси зиммасига, қарорни бажарилишини назорат қилиш “Хива Универсал савдо комплекси” АЖ кузатув кенгаши раиси зиммасига юклатилсин.

Баённома расмийлаштирилган сана: 09.07.2024йил

Котиба: М.Абдалниязова

Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

"Xiva universal savdo kompleksi" MChJ

Ishonch raqami
+998 (62) 123-45-67