“Хива Универсал савдо комплекси” ақциядорлик жамияти ходимларининг кенгайтирилган йиғилиш баёни

Сегодня, 13:25 “Хива Универсал савдо комплекси” ақциядорлик жамияти ходимларининг кенгайтирилган йиғилиш баёни

“Хива Универсал савдо комплекси” ақциядорлик жамияти

ходимларининг кенгайтирилган йиғилиш баёни

2025 йил 10- июль 10 - сон Хива шаҳри

Раислик қилди:		Д.Давлетов - “Хива Универсал савдо комплекси” АЖ директори

Қатнашдилар:		“Хива Универсал савдо комплекси” АЖ ходимлари

КУН ТАРТИБИ:

Жамият атрофида ободонлаштириш ишларини олиб бориш ва йиғилиб қолган аҳлатларни бир жойга тўплаш ва тракторга юклаш бўйича вақтинча ёлланма ишчи ёллаш тўғрисида.

Йиғилишни “Хива Универсал савдо комплекси” АЖ раиси Д.Давлетов очиб, унда кўп вақтлардан буён жамият ҳудуди ва атрофларида тўлиқ ободонлаштириш ишлари олиб борилмаганлиги, шу сабабли жамият атрофларида аҳлатлар йиғила бошлаганлиги сабабли жамият ҳудуди ва атрофларида тўлиқ ободонлаштириш ишларини олиб бориш кераклигини айтиб ўтди.

Шунингдек, ободонлаштириш вақтида йиғилган аҳлатларни бир жойга йиғиш ва тракторга ортиш бўйича вақтинча ёлланма ишчилар ёллаш кераклиги ҳақида гапириб ўтди.

Жамият раиси ўз сўзида давом этиб, ушбу ишларни амалга ошириш мақсадида жамиятга 1 кунга камида 20 та ёлланма ишчини ёллаган ҳолда, ишларни тез ва сифатли бажариш кераклиги ҳақида гапириб ўтди.

Йиғилиш кун тартибидаги масала юзасидан жамият ҳисобчиси У.Махмудов сўзга чиқиб, ёлланма ишчи ёллаш жамиятга хозирги иқтисодий қийин вақтда оғирлик қилишини, чунки, камида 20 та ишчи, ҳар бирига 1 кунга 300-350 минг сўмдан 7,0-8,0 млн.сўм атрофида пул кетишини, хозирда жамиятни бунга имконияти етмаслигини инобатга олиб, ушбу ишларни тез ва сифатли амалга ошириш учун ташқаридан арзонроқ келишиб кунлик ёлланма ишчи (мардикор)лар билан келишиб, уларни хизматидан фойдаланиб тозалик ишларини олиб бориш жамиятга арзонроқ тушиши ҳақида айтиб ўтди.

Йиғилиш ҳайъати кун тартибидаги масалалар юзасидан билдирилган фикр ва мулоҳазаларни инобатга олиб, йиғилиш

Қ А Р О Р Қ И Л А Д И :

1. “Хива Универсал савдо комплекси” АЖда ташрифи муносабати билан жамият атрофини ободонлаштириш ва кўкаламзорлаштириш, шунингдек, ободонлаштириш вақтида йиғилган аҳлатларни бир жойга йиғиш ва тракторга ортиш бўйича вақтинча 1 кунга камида 20 та ёлланма ишчи 4,0 ёки 5,0 млн.сўмга ёллансин;

2. Ушбу ишлар учун арзонроқ ёлланма ишчи ёллаш ва ёлланма ишчиларга вақтида пулларини ҳисоб-китоб қилиш жамият ҳисобчиси У.Махмудов зиммасига юклансин;

3.Ушбу йиғилиш баёнининг ижросини назорат қилишни ўз зиммамда қолдираман.

Баённи ёзди: М.Абдалниязова

Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

"Xiva universal savdo kompleksi" AJ

Ishonch raqami
+998 (99) 540-00-30